Edige Marǵulannyń aıtýynsha, ótken jyldyń ekinshi onkúndiginen bastap taǵy bir memlekettik baǵdarlama «Eńbek» nátıjeli jumyspen qamtý men jappaı kásipkerlikti damytýdyń 2017-2021 jyldarǵa arnalǵan is-sharalaryn iske asyra bastaǵan. Qor qalalyq aımaqtarda shaǵyn bıznestegi kásipkerlerdi nesıeleý operatory bolyp tabylady.
Bul baǵdarlama boıynsha kishi jáne orta bıznestegi kásipkerlerge nesıe 5 jylǵa deıin salalar boıynsha shekteýsiz.6% mólsherinde beriledi. Bir kásipker úshin maksımaldy lımıt 8000 AEK quraıdy. Eger kepildik tólem jetkiliksiz bolsa, Qor nesıe somasynan 85 paıyzǵa deıin kepildeme qoldaýyn bere alady.
Sonymen birge, maıda nesıe isin jańa bastaǵan kásipkerlerdiń jobalaryn qospaǵanda, jobalary saýda-sattyq salasynda aınalym qarajatyn toltyrýǵa baǵyttalǵan 45.20 jáne 45.40 klastarynda kózdelgen avtokólik quraldary men motosıklderdi tehnıkalyq qyzmet kórsetý men jóndeýdi qospaǵanda, EQJS "kóterme jáne bólshek saýda; avtomobılder men motosıklderdi jóndeý" G seksııasy) kásipkerleri baǵdarlamaǵa qatysa almaıdy.
Isin endi bastaǵan kásipkerler mindetti túrde kásipkerliktiń oqý kýrsynan ótýi tıis. Sondyqtan «Damý» Qory qashyqtyqtan oqytý baǵdarlamasyn ázirlep otyr. Iаǵnı, onlaın oqýdyń artyqshylyǵy: kásipkerlik negizderin kez kelgen qolaıly ýaqytta meńgerýge bolady. Kásipkerlerge bar bolǵany edu.damu.kz saıtynda tirkelip, oqý kýrsyn ótti degen sertıfıkat alýy kerek.
Baǵdarlama boıynsha kásibin jańadan bastaǵan nemese jumys istep júrgen kásipkerler jumysqa ornalasý ortalyǵynan bankke joldama alý kerek bolady. Engizilgen ózgeristerge sáıkes endi jumys júrgen kásipkerler tikeleı bankke júginedi, – dedi Edige Marǵulan.
Aınash ESALI,
«Egemen Qazaqstan».
ALMATY
